CVK Ukrainy prapanavaŭ Zialenskamu i Parašenku samim apłacić debaty na stadyjonie

04.04.2019 / 15:15

Farmat debataŭ na stadyjonie, prapanavany kandydatami ŭ prezidenty Ukrainy, pavinien razhladacca jak pieradvybarnaja ahitacyja i apłačvacca ich vybarčymi štabami, a nie ź biudžetu krainy. Pra heta ŭ kamientary vydańniu «Ukrinfarmu» zajaviŭ namieśnik staršyni CVK Ukrainy Jaŭhien Radčanka.

Jon nahadaŭ, što tradycyjnyja pieradvybarčyja teledebaty rehulujucca artykułam 62 zakona «Ab vybarach prezidenta Ukrainy», a prapanavanaje mierapryjemstva padpadaje pad artykuł 58. Takim čynam, usie vydatki pa arendzie pamiaškańnia, arhanizacyi i apłaty tranślacyi pavinny panieści sami kandydaty ŭ prezidenty.

Viečaram 3 krasavika šoŭmen Uładzimir Zialenski, pieramožca pieršaha tura vybaraŭ prezidenta Ukrainy, prapanavaŭ hałavie krainy Piatru Parašenka, jaki zaniaŭ druhoje miesca ŭ hałasavańni, pravieści debaty na 70-tysiačnym stadyjonie «Alimpijski» ŭ Kijevie. Prezident pahadziŭsia, choć zaŭvažyŭ, što heta supiarečyć zakanadaŭstvu ab vybarach.