Гомельскі амапавец у свой выхадны прадухіліў згвалтаванне проста пад балконам
21.02.2019 / 19:45
20 лютага ў Навабеліцы (Гомель) прапаршчык Андрэй Ваявода прадухіліў згвалтаванне і злавіў 20-гадовага гвалтаўніка.
Амапавец пачуў жаночыя крыкі, знаходзячыся дома. Ён хутка выскачыў на вуліцу і ўбачыў, як пад балконам першага паверха суседняга дома мужчына прыціснуў да зямлі жанчыну.
Пабачыўшы міліцыянта, гвалтаўнік паспеў усхапіцца, нацягнуць штаны і кінуцца наўцёкі. Уцякач не рэагаваў на крыкі «Стой, міліцыя!» і схаваўся ў пад'ездзе шматпавярховіка. Гвалтаўнік паспеў дабегчы да ўласных дзвярэй, але адкрыць іх не паспеў — Андрэй Ваявода затрымаў хлопца. Прапаршчык утрымліваў яго да прыбыцця міліцэйскага нараду.
Затрыманым аказаўся гамяльчук 1998 года нараджэння. Распачалі крымінальную справу.