Hierasimieni i Skardzina nie dazvolili stvaryć FM-stancyju

14.01.2019 / 10:16

Administracyja prezidenta Biełarusi nie dazvoliła byłoj bijatłanistcy, alimpijskaj čempijoncy Nadziei Skardzina i płyŭčysie, dvuchrazovaj vice-čempijoncy Alimpijady Alaksandry Hierasimieni stvaryć radyjostancyju «Sport FM». Čynoŭniki nazvali prajekt «niemetazhodnym». Jany ličać, što ŭ našaj krainie i tak užo šmat radyjostancyj. Pra heta ŭ prahramie «Tydzień sportu» na telekanale STB raspaviała Skardzina, paviedamlaje Jeŭraradyjo.

Jana pryznałasia, što takoha finału nie čakała.

«Z Administracyi prezidenta nam z Alaksandraj Hierasimieniaj pryjšoŭ adkaz litaralna 31 śniežnia, — raskazvaje Nadzieja Skardzina. — Nam admovili. U Ministerstvie infarmacyi, kali my tudy prychodzili, havaryli, što abaviazkova treba napisać list u Administracyju. I kali jany z hetym zhodnyja, jany nam adkažuć. Bieź ich adkazu ničoha nie moža być».

Pa słovach Skardzina, ad čynoŭnikaŭ joj daviałosia čuć roznyja mierkavańni, ale padtrymki prajekt nie znajšoŭ.