Iryna Dryha zastałasia pracavać u Ministerstvie kultury

02.01.2019 / 19:39

Iryna Dryha. Fota «Minsk-naviny».

Iryna Dryha pa-raniejšamu ŭznačalvaje hałoŭnaje ŭpraŭleńnie kultury i analityčnaj raboty ŭ Minkulcie. Pra heta stała viadoma ź lista za jaje podpisam, jaki atrymaŭ Biełaruski sajuz dyzajnieraŭ, piša Jeŭraradyjo. 

Iryna Dryha zajmała pasadu pieršaha namieśnika ministra kultury. U siaredzinie listapada jaje miesca zaniała Natalla Karčeŭskaja. U pastanovie Saŭmina zvalnieńnie čynoŭnicy było abhruntavanaje «pierachodam da inšaha najmalnika». 

Dryha stała viadomaja ŭ suviazi sa sprečnymi momantami ŭ śfiery kultury. Jaje podpis staŭ pad dakumientam ab skaračeńni achoŭnych miežaŭ Kurapataŭ — miesca masavych rasstrełaŭ u stalinskija časy. Taksama imia Dryhi zhadvałasia ŭ suviazi sa skandałam na kinafeście «Listapad-2018», kali čynoŭniki vyklučyli kiniematahrafistaŭ z adboračnaha žury nacyjanalnaha konkursu.