Mytniki ŭ niekatorych punktach propusku buduć vykonvać funkcyi pamiežnikaŭ, jakich adpraviać na inšyja ŭčastki miažy

27.12.2018 / 20:30

Z 1 studzienia 2019 hoda mytniki ŭ punktach propusku, jakija vyznačajucca Savietam Ministraŭ, buduć ažyćciaŭlać asobnyja funkcyi pamiežnikaŭ, u tym liku pamiežny kantrol. Heta praduhledžana ŭkazam №495 «Ab aptymizacyi dziejnaści», jaki padpisaŭ Alaksandr Łukašenka, paviedamlaje BiełTA.

Pakul što takaja pracedura budzie dziejničać na 3 punktach propusku — aŭtadarožnaha «Kazłovičy» na miažy z Polščaj, dzie pieramiaščajecca tolki hruzavy aŭtatranspart, a taksama dvuch čyhunačnych — «Hudahaj» na stancyi Maładziečna, na miažy ź Litvoj, i «Bihosava» na stancyi Połack, na miažy z Łatvijaj.

Paviedamlajecca, što hetyja zachady zroblenyja ŭ suviazi z aptymizacyjaj. Pamiežnikaŭ pieranakirujuć dla ŭzmacnieńnia achovy inšych učastkaŭ miažy. Jakija kankretna ŭčastki miažy buduć uzmocnienyja — nie paviedamlajecca.