U Palerma zatrymali novaha kiraŭnika «Koza Nostry»

04.12.2018 / 14:12

Palicyja Italii praviała 4 śniežnia śpiecapieracyju suprać sicylijskaj mafii, padčas jakoj u Palerma byli zatrymanyja 46 siabraŭ «Koza Nostry», paviedamlaje ANSA. Siarod ich - novy kiraŭnik złačynnaj hrupoŭki, 80-hadovy Secimina Miniea.

Zatrymanyja padazrajucca ŭ vymahalnictvie, padpałach i napadach, zajaviŭ ministr unutranych spraŭ krainy Matea Salvini.

Miniea aficyjna pracuje juvieliram. Jon ličycca pierajemnikam byłoha kiraŭnika «Koza Nostry» Salvatore «Tota» Ryiny, jaki pamior u listapadzie 2017 hoda ŭ turmie, dzie adbyvaŭ 26 pažyćciovych terminaŭ.