Staŭ viadomy stan źbitaha rasijskimi futbalistami Kakorynym i Mamajevym čynoŭnika

09.10.2018 / 09:24

Dyrektar departamienta Minpramhandlu Rasii Dzianis Pak atrymaŭ zakrytuju čerapna-mazhavuju traŭmu i ŭdary paśla bojki z Alaksandram Kakorynym. Pra heta ŭ intervju «Kamiersant FM» raspavioŭ jaho advakat Hienadź Ududian.

«Adbyłosia vidavočnaje chulihanstva pa matyvach rasavaj varožaści, bo ździek z majoj davieranaj asoby byŭ pa rasavych matyvach. Jon zrabiŭ Kakorynu i Mamajevu zaŭvahu, paśla čaho atrymaŭ udar pa hałavie i kułakom pa tvary. U majoj davieranaj asoby — zakrytaja čerapna-mazhavaja traŭma, udary. Zaviedziena kryminalnaja sprava pa artykule «źbićcio». My adnaznačna budziem damahacca taho, kab artykuł byŭ pierakvalifikavany, bo heta ludzi, što pradstaŭlajuć niebiaśpieku», - zajaviŭ Udunian.

Incydent adbyŭsia 8 kastryčnika. Kakoryn z Mamajevym ustupili ŭ kanflikt z dyrektaram departamienta Minpramhandlu Dzianisam Pakam i dyrektaram FHUP «NAMI» Siarhiejem Hajsinym u adnym z kafe ŭ centry Maskvy. Na videa z kamier nazirańnia vidać, što Kakoryn udaryŭ Paka kresłam pa hałavie. Pa paviedamleńniach vidavočcaŭ, abodva hulcy znachodzilisia ŭ nieadekvatnym stanie. Žonka Mamajeva Ałana vybačyłasia za pavodziny futbalistaŭ i zajaviła, što jany byli pjanymi.

Pak i Hajsin byli dastaŭleny ŭ balnicu, futbalisty syšli da prybyćcia palicyi.