Parašenka daručyŭ razarvać Dahavor ab družbie Ukrainy z Rasijaj
28.08.2018 / 17:04
Prezident Ukrainy Piatro Parašenka daručyŭ MZS Ukrainy rychtavacca da razryvu bazavaj damovy pra siabroŭstva z Rasijaj. Pra heta jon zajaviŭ padčas narady z kiraŭnikami zamiežnych dypłamatyčnych ustanoŭ Ukrainy.
«Siońnia my padyšli dastatkova padrychtavanymi i jurydyčna abaronienymi da nastupnaha kroku — spynieńnia dziejańnia Dahavora ab družbie, supracoŭnictvie i partniorstvie pamiž Ukrainaj i Rasijaj, jaki pa vinie Maskvy ŭžo daŭno staŭ anachranizmam», — zajaviŭ prezident Ukrainy.
Parašenka paviedamiŭ, što MZS užo atrymaŭ adpaviednaje daručeńnie i ŭ najbližejšy čas Ukraina ažyćciavić nieabchodnyja kroki.