U Bierlinie prajšli maršy «Alternatyvy dla Hiermanii» i ich praciŭnikaŭ
27.05.2018 / 21:25
Piać tysiač čałaviek vyjšli na marš ŭ Bierlinie, arhanizavany pravaj papulisckaj partyjaj «Alternatyva dla Hiermanii».
Udzielniki maršu «Budučynia Hiermanii», Bierlin, 27 maja 2018 hoda. Fota AFP.
Na maršy prychilnikaŭ najbujniejšaj apazicyjnaj partyi hučali łozunhi suprać ŭrada Anhieły Mierkiel i suprać pryjomu biežancaŭ z musulmanskich krain. Udzielniki šeścia pad nazvaj «Budučynia Hiermanii» prajšli ad centralnaha čyhunačnaha vakzała ŭ napramku Bradenburhskich varot.
Praciŭnikaŭ «Alternatyvy dla Hiermanii» na vulicy Bierlina vyjšła ŭ niekalki razoŭ bolš. Ich kolkaść aceńvajecca jak 25 tysiač.
20—25 tysiač čałaviek vyjšli na demanstracyi suprać pravych papulistaŭ. Akcyju padtrymali pradstaŭniki «Levaj partyi» i «zialonych». Fota: DPA.
Usiaho ŭ horadzie prajšło 13 mierapryjemstvaŭ, arhanizavanych levymi abjadnańniami, aktyvistami suprać rasizmu, ŁHBT-aktyvistami. Niekatoryja ź ich płyli pa race Špreje na łodkach z łozunhami suprać rasizmu i nacyzmu.
Paradak u chodzie akcyj zabiaśpiečvali kala dvuch tysiač palicejskich. Bujnych parušeńniaŭ paradku nie zafiksavana.