KDB prademanstravaŭ raspracavany ŭ Biełarusi mabilny telefon dla zakrytaj uradavaj suviazi

02.05.2018 / 23:12

Staršynia KDB Valeryj Vakulčyk u efiry telekanała «Biełaruś 1» prademanstravaŭ raspracavany ŭ Biełarusi mabilny telefon dla zakrytaj uradavaj suviazi.

«Jon vyrableny ŭ zakrytym vykanańni. Dazvalaje vieści razmovy z vysokaj stupieńniu abaronienaści ad prasłuchvańniaŭ, pierachopu. Składajecca z troch častak: mikrafon, kryptamodul (ujaŭlaje saboj šyfr-aparaturu, heta sistema šyfravańnia i dešyfravańnia) i pracesar», — raspavioŭ staršynia KDB.

Jon adznačyŭ, što padobnyja telefony jość tolki ŭ niekalkich dziaržavach, i biełaruski aparat nie sastupaje im pa jakaści i navat lepiej pa niekatorych paramietrach. Adnak ajčynny telefon značna tańniej u vytvorčaści.

«My pracujem nad tym, kab arhanizavać ekspartnyja pastaŭki niekatorym siabroŭskim da nas dziaržavam», — dadaŭ staršynia KDB.

BiełTA