«Еўраопт»: Прэтэнзіі пакупніка да касіркі не апраўданыя
02.05.2018 / 15:49
Паміж касіркай крамы «Еўраопт» і былым галоўным ідэолагам краіны Уладзімірам Замяталіным адбыўся канфлікт на моўнай глебе.
Чытайце: Экс-ідэолаг Замяталін учыніў скандал у «Еўраопце», бо яго абслужылі па-беларуску
«Гаворка ідзе пра краму ЕўраоптPrime. У гэтай краме перад выхадам на касу паказана, на якой мове будзе абслугоўвацца пакупнік: Беларуская, руская і англійская. Таму пакупнік сам мае права выбраць, у якую касу ісці і на якой мове абслугоўвацца. Прэтэнзіі да прадаўшчыцы відавочна не апраўданы», — пракаменатаваў «Нашай Ніве» прэс-сакратар кампаніі «Еўрагандаль» (крамы «Еўраопт») Ягор Хрусталёў.