Atručany špijon Skrypal aprytomnieŭ i moža razmaŭlać

07.04.2018 / 14:23

Eks-pałkoŭnik HRU Siarhiej Skrypal znachodzicca ŭ prytomnaści i moža razmaŭlać, pieradaje telekanał Sky News.

«Palicyja nieŭzabavie zmoža pierahavaryć z čałaviekam, jaki znachodziacca ŭ centry historyi z atručvańniem ŭ Sołśbiery. Były rasijski špijon Siarhiej Skrypal bolš nie znachodzicca ŭ krytyčnym stanie, dobra reahuje na lačeńnie, znachodzicca ŭ prytomnaści i razmaŭlaje», — paviedamiŭ viadučy brytanskaha telekanała.

Siarhiej Skrypal.

Napiaredadni ahienctva Reuters sa spasyłkaj na špital u Sołśbiery paviedamiła, što stan Siarhieja Skrypala bolš nie aceńvajecca jak krytyčny. Pa słovach hałoŭnaha doktara balnicy Kryścin Błanšard, pacyjent «dobra reahuje na lačeńnie, jaho stan chutka lepšaje».