Naścia Rybka zaprasiła Pucina na asabistuju sustreču. Abiacaje raskazać šmat cikavaha
10.02.2018 / 19:00
Babrujčanka Naścia Rybka zaprasiła prezidenta Rasii na asabistuju sustreču i paabiacała raskazać jamu šmat cikavaj infarmacyi pra jaho supracoŭnikaŭ, słužboŭcaŭ i pra jaho asabista. Adpaviednaje videa Rybka vykłała ŭ siabie ŭ Instagram.
U videa Rybka nazyvaje skandał ź Dzierypaskam, Prychodźkam i Navalnym «ekśpierymientam». I dadaje, što padobnymi «manipulacyjami nad vysokapastaŭlenymi ludźmi», a taksama «ekśpierymientami nad hramadskaj dumkaj» zajmajecca apošnija dva hady, piša Tut.by.
— Jak bačycie, usio paśpiachova, — zaŭvažaje Rybka.
Pavodle jaje słoŭ, u jaje sabrałasia šmat infarmacyi, jakaja mahła b zacikavić «niekatorych ludziej u Rasijskaj Fiederacyi».
— Tamu pryznačaju asabistuju sustreču Uładzimiru Uładzimiraviču Pucinu. Budu rada ź im paznajomicca i padzialicca toj infoj, jakaja ŭ mianie jość, — uśmichajecca Rybka.
Jana śćviardžaje, što infarmacyja tyčycca supracoŭnikaŭ, słužboŭcaŭ, a taksama asabista Pucina i prapanuje źviazacca ź joj na praciahu tydnia lubym zručnym sposabam.
Imia Naści Rybki (sapraŭdnaje imia - Anastasija Vaškievič) ŭspłyło dziakujučy rasśledavańniu Alaksieja Navalnaha i jaho Fondu baraćby z karupcyjaj. Jano tyčyłasia namieśnika staršyni ŭrada Rasii Siarhieja Prychodźki i aliharcha Aleha Dzierypaski. Nahodaj dla rasśledavańnia stali fota ź jachty Dzierypaski, jakija dziaŭčyna vykłała ŭ Instagram. U rasśledavańni Navalnaha Rybku nazyvajuć «pradstaŭnicaj industryi eskortnych pasłuh».
Paśla publikacyi rasśledavańnia FBK, Rybka padziakavała Navalnamu za pijar. Taksama jana abvinavaciła namieśnika staršyni ŭrada Rasii Siarhieja Prychodźku i aliharcha Aleha Dzierypasku ŭ hrupavym zhvałtavańni, ale paźniej zajaviła, što pažartavała.
Rasijski aliharch nazvaŭ rasśledavańnie Navalnaha chłuśnioj. Paźniej jaho pradstaŭnik paviedamiŭ, što Dzierypaska maje namier padać na Navalnaha ŭ sud.