Уладальнікам «Залатога мяча-2017» стаў Крышціяну Раналду
07.12.2017 / 22:29
Французскі часопіс France Football аддаў свой прыз «Залаты мяч» у 2017 годзе нападніку мадрыдскага «Рэала» Крышціяну Раналду. Раней Раналду быў прызнаны найлепшым гульцом таксама і па версіі ФІФА.
32-гадовы Раналду выйграў «Залаты мяч» у пяты раз у сваёй кар'еры і зраўняўся з Ліянэлем Месі, які да сённяшняга дня заставаўся адзіным футбалістам у гісторыі, які атрымліваў «Залаты мяч» пяць разоў.
Раней Раналду быў узнагароджаны гэтым прызам у 2008, 2013, 2014 і 2016 гадах.