Džejms Kemieran: Dy Kaprya ŭ «Tytaniku» patanuŭ. Kropka

27.11.2017 / 10:49

Režysior Džejms Kemieran nazvaŭ durnymi pastajannyja abmierkavańni finalnaj sceny filma «Tytanik», u jakoj hinie Džek — piersanaž Leanarda Dy Kaprya. Jon rastłumačyŭ u intervju Vanity Fair, što śmierć hieroja abumoŭlena zakonami dramaturhii.

«Mnie zdajecca kiepskim, što my praciahvajem razmaŭlać pra heta praz 20 hadoŭ. Ale heta pakazvaje, što ŭ filmie atrymałasia zrabić Džeka takim pryvabnym, što hledačam baluča hladzieć na jaho śmierć. Kali b jon vyžyŭ, to finał stužki byŭ by biessensoŭnym. Heta karcina pra śmierć i raźvitańnie; jon pavinien byŭ pamierci», — padkreśliŭ Kemieran.

Pa słovach kiniematahrafista, kali b piersanaž nie patanuŭ, to na jaho pavinna była b zvalicca dymavaja truba.

«Heta nazyvajecca mastactva, usio adbyvajecca z-za mastackich pryčyn, a nie z-za fiziki», - adrezaŭ jon.