Alijeŭ pamiłavaŭ błohiera Łapšyna, jakoha departavali ŭ Baku ź Biełarusi

11.09.2017 / 11:11

Prezident Azierbajdžana Ilcham Alijeŭ pamiłavaŭ asudžanaha na 3 hady błohiera Alaksandra Łapšyna. Pra heta paviedamlajuć Vesti.Az.

Łapšyna asudzili ŭ Baku ŭ lipieni 2017 hoda za nieadnarazovyja pajezdki ŭ Nahorny Karabach, za što z 2011 hoda jon znachodzicca ŭ «čornym śpisie» MZS Azierbajdžana. Paśla hetaha, u 2015 hodzie, jon zmoh trapić u Azierbajdžan pa ŭkrainskim pašparcie, dzie jon značyŭsia jak «Oleksandr». Heta stała padstavaj dla zaviadzieńnia kryminalnaj spravy i abviaščeńnia Łapšyna ŭ vyšuk.

Suprać jaho śledčym upraŭleńniem pa ciažkich złačynstvach Hienprakuratury Azierbajdžana była raspačataja kryminalnaja sprava za niezakonnaje pierasiačeńnie dziaržaŭnaj miažy krainy.

Łapšyn byŭ zatrymany ŭ Minsku 15 śniežnia 2016 hoda i ekstradavany 7 lutaha 2017 hoda ŭ Azierbajdžan.

Rašeńniem Bakinskaha sud pa ciažkich złačynstvach Łapšyn byŭ abvieščany vinavatym pa artykule 318.2 (niezakonnaje pierasiačeńnie dziaržaŭnaj miažy) i prysudžany da 3 hadoŭ pazbaŭleńnia voli. Abvinavačvańnie prasiła 6,5 hoda źniavoleńnia.