Ałkahol dapamahaje rybam pieražyć surovuju zimu

Kali karpy i załatyja rybki adčuvajuć, što «zima blizka», ich arhanizm nasyčajecca etyłavym śpirtam. 

15.08.2017 / 19:41

Narviežskija navukoŭcy vyśvietlili, što mienavita padvyšanaje ŭtrymańnie ałkaholu ŭ rybinych ciełach nie dazvalaje razarvacca tonkim kletkavym miembranam navat kali jany na doŭhi čas umiarzajuć u lod, čakajučy paciapleńnia.

Vyniki svaich daśledavańniaŭ navukoŭcy z univiersiteta Osła apublikavali ŭ časopisie Nature.

Załatyja rybki i karpy zdolnyja prypynić praktyčna ŭsie pracesy žyćciadziejnaści, kali heta nieabchodna, i ŭpaści ŭ stan anabijozu. Ni dla kaho nie sakret, što hetyja ryby ŭmiarzajuć u lod i takim čynam pieražyvajuć zimu pry tempieratury nižej za nul.

Etanoł ŭ ich arhaniźmie vypracoŭvajecca pry dapamozie admysłovych białkoŭ, jakija pierapracoŭvajuć małočnuju kisłatu ŭ ałkahol.

Niezvyčajny achoŭny miechanizm aktyvujecca tolki tady, kali ŭ ryby źnikaje dostup da kisłarodu. Čym daŭžej załataja rybka znachodzicca ŭ bieskisłarodnym ledzianym asiaroddzi, tym bolš u joj vypracoŭvajecca małočnaje kisłaty i, jak vynik, etanołu.

Etanoł vykonvaje funkcyju svajho rodu antyfryzu dla ryb. Zrazumieła, biaskonca hety praces doŭžycca nie moža, i ryba ŭsio ž zahinie, kali zima praźmierna zaciahniecca. Adnak u bolšaści vypadkaŭ ryby daciahvajuć da viasny i ačomvajucca paśla «lodavaha zapoju».