35-hadovaja francuzskaja śpiavačka pamierła padčas svajho vystupu ŭ carkvie

20.07.2017 / 15:20

Francuzskaja śpiavačka Barbara Viełdens pamierła va ŭzroście 35 hadoŭ padčas vystupu ŭ carkvie vioski Hurdon u Pravansie. Pra heta paviedamlaje radyjostancyja «Europe 1» sa spasyłkaj na miascovuju palicyju.

Dakładnaja pryčyna śmierci nieviadomaja, ale, pavodle papiaredniaj viersii, vakalistka pamierła ad spynieńnia serca, jakoje adbyłosia z-za ŭdaru tokam. Palicyja rasśleduje abstaviny zdareńnia.

Viełdens vystupała z kancertam u ramkach fiestyvalu imia barda Leo Fiere.

U lutym vyjšaŭ jaje debiutny albom Le grand H de l'homme. U 2016 hodzie Barbara Viełdens atrymała pryz hladackich simpatyj Akademii Šarla Kro, pieramahła ŭ konkursie maładych talentaŭ muzyčnaha fiestyvalu Žaka Brela.