Pasolstva Ukrainy nakiravała ŭ MZS Biełarusi notu ŭ suviazi z pakazam trejlera «Kryma»
17.07.2017 / 10:36
Pasolstva Ukrainy nakiravała ŭ Ministerstva zamiežnych spraŭ Biełarusi notu ŭ suviazi z pakazam trejlera rasijskaha filma «Krym» ŭ minskich kinateatrach.
Pra heta «Našaj Nivie» paviedamili ŭ pres-słužbie misii.
«Krym» byŭ źniaty na hrošy rasijskaha ŭradavaha Fondu kino. Jaho režysior — televiadučy Alaksiej Pimanaŭ.
U siužecie — historyja kachańnia na fonie anieksii Kryma viasnoj 2014 hoda.
Biełaruś farmalna nie pryznała pierachodu Kryma pad rasijskuju jurysdykcyju. Na vypuščanych u Biełarusi kartach Krym i Uschodni Danbas pa-raniejšamu abaznačajucca jak terytoryja Ukrainy.
U toj ža čas Minsk pryznaje za ździejśnieny fakt toje, što Krym staŭ častkaj Rasii. «Ukraina musić zastavacca adzinaju, niepadzielnaju i cełasnaju, ale Krym de-fakta siońnia — častka Rasiei, — zajaviŭ Alaksandr Łukašenka jašče ŭ 2014 hodzie. — Možna pryznavać heta ci nie pryznavać, ale ad hetaha ničoha nie źmienicca».