Pamior syn Lidzii Jarmošynaj
11.06.2017 / 11:17
Jak stała viadoma «Našaj Nivie», na 40-m hodzie žyćcia pamior advakat Alaksiej Jarmošyn, adziny syn staršyni Centrvybarkama Lidzii Jarmošynaj.
Fota z fejsbuka Alaksieja Jarmošyna.
Jon mieŭsia sustrakacca z klijentam, ale telefon advakata nie adkazvaŭ. Vartaja davieru krynica ŭ Respublikanskaj kalehii advakataŭ paćvierdziła «Našaj Nivie» śmierć Alaksieja Jarmošyna.
Apošnim časam jon pracavaŭ u Minskaj abłasnoj śpiecyjalizavanaj jurydyčnaj kansultacyi №2. A raniej stajaŭ pa inšy bok barykadaŭ — fihuravaŭ jak namieśnik prakurora Frunzienskaha rajona Minska.
Pa słovach Lidzii Jarmošynaj, siamji i dziaciej u Alaksieja nie było.
Baćka advakata, Dźmitryj Jarmošyn, žyvie ŭ Kalininhradzie. Adnosiny z synam jon amal nie padtrymlivaŭ.
Niekalki hadoŭ tamu pamierła maci staršyni CVK. Lizavieta Harkavienka była doŭhažycharkaj, pražyła bolš za 95 hadoŭ.