Arabskija krainy skłali śpis patrabavańniaŭ da Katara dla adnaŭleńnia adnosin
08.06.2017 / 10:19
Saudaŭskaja Aravija, AAE, Jehipiet i šerah inšych arabskich krain padrychtavali śpis patrabavańniaŭ da Katara dla adnaŭleńnia dypłamatyčnych adnosin, piša The Wall Street Journal sa spasyłkaj na infarmavanyja krynicy.
Reuters
Pa dadzienych vydańnia, adnym z klučavych punktaŭ hetaha śpisu źjaŭlajecca skaračeńnie abjomu viaščańnia spadarožnikavaha telekanała «Al-Džazira», jaki bazujecca ŭ Katary.
Taksama ad uładaŭ Katara patrabujuć dać harantyi spynieńnia finansavańnia ekstremisckich hrupovak, abvinavačvańnie ŭ jakim stała adnoj z pryčyn razryvu dypłamatyčnych adnosin, i padtrymku terarystyčnaha ruchu «Braty-musulmanie».
Kančatkovy śpis patrabavańniaŭ, paviedamili krynicy vydańnia, uzhadniajecca. Čakajecca, što jon budzie pradstaŭleny ŭ bližejšy čas.