Častku vulicy Kujbyšava ŭ Minsku pierakryjuć z 17 červienia

07.06.2017 / 21:15

Ruch transpartu na ŭčastku vuł. Kujbyšava ad vulicy Surhanava da vuł. V. Charužaj u Minsku budzie abmiežavany z 17 červienia ŭ suviazi z praviadzieńniem kapitalnaha ramontu, paviedamili ŭ DU «Staličny transpart i suviaź».

Aŭtobusy buduć iści:

- №№24, 44, 136, 1024-TK z boku vuł. Ł. Biady pa vuł. Surhanava, M. Bahdanoviča, V. Charužaj, Kujbyšava i dalej pa maršrutach, u zvarotnym kirunku — bieź źmianieńniaŭ;

- №59 u kirunku KP Kulman — pa vuł. Staletava, Akademičnaj, pr. Niezaležnaści pł. Ja.Kołasa, vuł. V. Charužaj, Krapotkina, u zvarotnym napramku - bieź źmianieńniaŭ;

- №91 z boku vuł. Ł. Biady, — pa vuł. Surhanava, M. Bahdanoviča i dalej pa maršrucie, u zvarotnym kirunku — bieź źmianieńniaŭ.

Ruch tralejbusnaha maršrutu №12 arhanizujecca z boku KP Lermantava da DS Karastajanavaj z rucham pa vuł. Kujbyšava, V. Charužaj, M. Bahdanoviča, Surhanava, Karastajanavaj; z boku DS Karastajanavaj — pa vulicach Karastajanavaj, Kachoŭskaj, bulvary Šaŭčenki, vuł. V. Charužaj, Kujbyšava i dalej pa maršrucie.

Ruch tralejbusnaha maršrutu № 29 admianiajecca. Dla kampiensacyi źniataha tralejbusnaha ruchu arhanizujecca praca časovaha aŭtobusnaha maršrutu №929 «DS Kalinoŭskaha — pł. Miaśnikova» pa dziejučaj trasie tralejbusnaha maršrutu №29 sa źmianieńniem maršrutu ruchu na ŭčastku ad vuł. K. Čornaha da vuł. Ja. Kupały pa vuł. Surhanava, M. Bahdanoviča, V. Charužaj, Kujbyšava, u zvarotnym kirunku — bieź źmianieńniaŭ.

Pasažyram, jakija majuć šmatrazovyja prajaznyja dakumienty na tralejbus, pradastaŭlajecca prava prajezdu biez dadatkovaj apłaty ŭ aŭtobusach maršrutaŭ №№24, 44, 59, 91, 136, 929 na zakrytych i dublavanych učastkach.

Dla aŭtobusnych maršrutaŭ №№24, 44, 91, 136, 929 pry ruchu ŭ kirunku vuł. V. Charužaj vykanańnie prypynačnaha punkta «pł. Banhałor» praduhledžvajecca tolki pa vuł. M. Bahdanoviča (paśla prachodžańnia pł. Banhałor).

Čakajecca, što raboty pa kapitalnym ramoncie ŭčastka vuł. Kujbyšava zavieršacca da kanca lipienia 2017 hoda.