Najbolš kaštoŭnaja ryba — nie čyrvonaja. Jakaja karyśniejšaja dla zdaroŭja?
Lekavyja ŭłaścivaści rybinaha tłušču adkryli ŭ pačatku XIX stahodździa, zadoŭha da adkryćcia vitaminaŭ. I ŭžo ŭ pačatku XX praviali mnostva daśledavańniaŭ, vyvučyŭšy charčavańnie arktyčnych narodaŭ, eskimosaŭ, inuitaŭ Kanady i Isłandyi, jakija, jak akazałasia, nikoli nie chvareli na ateraskleroz. Hety fakt i źviazali ź vialikaj kolkaściu ryby ŭ ich racyjonie, piša Likar.info.
11.02.2022 / 11:11
Śpiašajemsia rasčaravać amataraŭ čyrvonaj ryby: niezamiennyja tłustyja kisłoty, jakim nibyta bahaty rybin tłušč, nasamreč ŭtvarajucca ŭ marskich vodaraściach. Tamu vychodzić, što jamo my tolki smačny tłusta-białkovy pradukt biez Amieha-3.
Čamu čyrvonaja ryba z supiermarkieta bieskarysnaja
Ryba ŭ zaprudach siłkujecca kambikarmami, a nie płanktonam. Tamu ŭ tłuščach štučna vyhadavanych ryb mohuć nazapašvacca dyjaksiny, rtuć, piestycydy i inšyja škodnyja złučeńni.
U ZŠA, da prykładu, niadaŭna była ŭviedziena zabarona na impart niekatorych rybnych praduktaŭ z Kitaja ŭ suviazi ź ich zabrudžvańniem kancerahienami i vytvornymi antybijotykaŭ. Prosta ŭ jakaści prafiłaktyčnych srodkaŭ u štučnyja vadajomy dadajuć antybijotyki.
U jakoj rybie nasamreč utrymlivajucca Amieha-3
Amieha-3 tłuščy treba šukać u sieladcy i skumbryi, a nie ŭ łasosi. Jak praviła, uvieś supiermarkietavy łasoś naradziŭsia i ros u niavoli, na štučnych karmach, tamu amieha-3 tam znajści prablematyčna, tamu amataram tolki čyrvonaj ryby pažadana dapaŭniać racyjon amieha-3 tłustymi kisłotami, jakija ŭtrymlivajucca ŭ vitaminnych kompleksach.
Amieha-3 zachavany vyklučna ŭ syroj (zasolenaj abo marožanaj) rybie, pakolki lubaja termičnaja apracoŭka, niachaj heta budzie vareńnie, smažańnie abo zapiakańnie, źmianiaje ich formułu.
Dla biaśpiečnaha spažyvańnia takoj ryby treba kuplać dobra prasoleny sieladziec abo skumbryju, a zatym vymočvać u vadzie.
Nie vybirajcie «małasolnuju» rybu, kab źnizić ryzyku zaražeńnia hlistami.
Spałučajcie rybu z karysnymi «kampańjonami»: celnaziernavym chlebam, zielaninaj, harodninaj, naturalnymi napojami (nastojem šypšyńnika, uzvarami biez cukru, biarozavym sokam).