Stralanina ŭ pačatkovaj škole ŭ Kalifornii: jość paciarpiełyja
10.04.2017 / 22:14
Słužby chutkaha reahavańnia ZŠA paviedamili pra stralaninu ŭ pačatkovaj škole ŭ horadzie San-Biernardyna na paŭdniovym zachadzie Kalifornii, paviedamlaje VVS.
Jak paviedamiŭ kiraŭnik palicyi San-Biernardyna u svaim tvitary, havorka idzie pra škołu ŭ rajonie bulvara Paŭnočny park: pavodle papiarednich danych, spačatku napadnik streliŭ u niekalkich čałaviek, a potym pakončyŭ z saboj.
Pa słovach palicyjantaŭ, zahinuli pa mienšaj miery dva čałavieki.
Jak udakładnili ŭ palicyi, zahinułyja — darosłyja ludzi.
Dvoje vučniaŭ byli paranienyja: jany ŭžo dastaŭlenyja ŭ balnicu.
Pa słovach palicejskaha, napad adbyŭsia niepasredna ŭ adnym z kłasaŭ.
Palicyja San-Biernardyna zajaviła, što ŭłady kantralujuć situacyju i da hetaha momantu pahrozy dla žycharoŭ niama.