Rasijskija čartary ŭ Turcyju mohuć znoŭ admianić
10.04.2017 / 20:31
U kiraŭnictvie adnoj z rasijskich avijakampanij VVS paćvierdzili atrymańnie telehramy Rasavijacyi z papiaredžańniem ab mahčymym prypynieńni čartarnych rejsaŭ u Turcyju.
Pryčynaj prypynieńnia čartarnych avijaznosin z Turcyjaj nazyvajecca «składanaja ŭnutrypalityčnaja abstanoŭka ŭ krainie».
Raniej u paniadziełak pres-sakratar Rasijskaha sajuza turindustryi Iryna Ciuryna zajaviła, što ŭ vypadku prypyńnieńnia čartarnych prahram u Turcyju biez adpačynku mohuć zastacca miljony turystaŭ, jakija ŭžo apłacili tury:
«Heta budzie, hruba kažučy, biesprecedentny abłom dla miljonaŭ turystaŭ, navat horš, čym zakryćcio Turcyi ŭ 2015 hodzie — tady kirunak zakryli ŭ kancy listapada, patok užo skončyŭsia, siezon byŭ praktyčna zavieršany. A ciapier napiaredadni vysokaha siezonu. I prypynak čartaraŭ — heta krušeńnie nadziei dla ludziej, jakija navat va ŭmovach ekanamičnaha kryzisu vyrašyli vyvieźci dziaciej na adpačynak, tym bolš, što Turcyja daje vielmi dastupnyja ceny».