Načalnik minskaj milicyi pra pomnik haradavomu: «Heta śviatoje miesca»
vy zhodnyja ź im?
07.04.2017 / 12:22
Načalnik HUUS Mienharvykankamu Alaksandr Barsukoŭ prakamentavaŭ u efiry telekanału ANT spravu, pačatuju suprać aktyvista anarchisckaha ruchu Viačasłava Kasinierava.
«Niekatoryja tak zvanyja pravaabarončyja arhanizacyi sprabujuć zrabić ź jaho niejkuju achviaru. Jakaja achviara? Jon try razy pryciahvaŭsia da kryminalnaj adkaznaści — za chulihanstva i psavańnie majomaści. Heta ŭžo, napeŭna, niejak charaktaryzuje vyšejnazvanaha hramadzianina», — skazaŭ Barsukoŭ.
Pavodle Barsukova, Viačasłaŭ Kasinieraŭ — heta chulihan:
Alaksandar Barsukoŭ, archiŭnaje fota
«Heta prosty chulihan, na jakim klajma niama dzie stavić pa vialikim rachunku. Jaki padyšoŭ da pomnika (heta dla milicyjantaŭ dla ŭsich — ja 30 hadoŭ u milicyi słužyŭ, bolš, sam va ŭsich haračych punktach byŭ — heta śviatoje miesca) i nakinuŭ na jaho viaroŭku. I nieviadoma, čym by heta skončyłasia, kali b supracoŭniki milicyi jaho nie zatrymali. Vy viedajecie, da čaho možna dakacicca ŭ takim vypadku. Tak možna pryjści na płošču Pieramohi i znoŭ niejkija dziejańni (takija dziejańni, na žal, užo mieli miesca) zrabić».
Pavodle ANT, u mienskaj milicyi skazali, što «za takoje pačućcio humaru chulihanu ŭsio ž daviadziecca nieści pakarańnie. Sankcyi artykułu praduhledžvajuć da troch hadoŭ pazbaŭleńnia voli».