Kryminalnaja sprava Kasinieravu za piatlu na pomniku haradavomu
29.03.2017 / 10:57
Eks-fihurantu «spravy hraficistaŭ» Viačasłavu Kasinieravu pradjaŭlena abvinavačańnie pavodle častki 1 artykułu 339 Kryminalnaha kodeksu — «chulihanstva».
Pra heta paviedamlaje zakryty ŭładami pravaabarončy centar «Viasna». Siońnia Viačasłaŭ Kasinieraŭ pavinien być vyzvaleny paśla adbyćcia 15 sutak aryštu za ŭdzieł u akcyi pratestu ŭ Miensku 17 lutaha.
Sprava raspačataja Śledčym kamitetam Maskoŭskaha rajonu Miensku. Vybranaja miera strymańnia — uziaćcie pad vartu. Kasinierava etapavali ŭ śledčy izalatar № 1 na vulicy Vaładarskaha.
Supracoŭniki milicyi śćviardžali, što Kasinieraŭ z anarchistami z hrupy «Čornaja ruža» 12 sakavika pravioŭ «dziorzkuju akcyju suprać milicejskaha biasčynstva». Kala centralnaha budynka Ministerstva ŭnutranych spraŭ aktyvisty nakinuli piatlu na šyju pomniku palicejskamu haradavomu, jaki niadaŭna tam pastavili ŭ prysutnaści kiraŭnika viedamstva Ihara Šunieviča.
U vypadku asudžeńnia Kasinieravu pahražaje pazbaŭleńnie voli na termin da troch hadoŭ abo aryšt na termin da šaści miesiacaŭ.