Łukašenka vyzvaliŭ Capkału ad pasady dyrektara Parka vysokich technałohij
02.03.2017 / 10:27
PVT
Valeryj Capkała vyzvaleny ad pasady dyrektara dziaržaŭnaj ustanovy «Administracyja Parka vysokich technałohij».
Adpaviednaje rasparadžeńnie Alaksandr Łukašenka padpisaŭ 2 sakavika, paviedamili BiełTA ŭ pres-słužbie prezidenta.
Park vysokich technałohij dziejničaje ŭ Biełarusi bolš za 10 hadoŭ, Valeryj Capkała ŭznačalvaŭ jaho z momantu stvareńnia. Niahledziačy na dynamičnaje raźvićcio haliny ŭ apošni čas, nie ŭsie zadačy byli vyrašany, što ŭ apošni čas vyklikała dyskusii ekśpiertaŭ i ŭdzielnikaŭ rynku, dadaje Tut.by.
U 2016 hodzie ekspart i abjom pryciahnutych zamiežnych inviestycyj Parka vysokich technałohij pavialičylisia na 16%. Abjom vytvorčaści kampjutarnych prahram ŭ 2016 hodzie skłaŭ 1 790,2 miljona rubloŭ, abo 904,4 miljona dołaraŭ, zabiaśpiečyŭšy hadavy temp rostu na ŭzroŭni 42% (z ulikam źmianieńnia kursu dalara i deflatara VUP - 19%). U lipieni minułaha hoda Valeryj Capkała vykazaŭ zdahadku, što pa vynikach hoda PVT moža zarabić miljard dalaraŭ, adnak hetaha nie adbyłosia.