Miesca budaŭnictva biznes-centra kala Kurapataŭ pierastała być achoŭnaj zonaj dva hady tamu KARTA
20.02.2017 / 20:11
Na łapiku ziamli pamiž vulicaj Mirašničenki i MKAD kampanija «Biełrekanstrukcyja» pačynaje budaŭnictva piacipaviarchovaha ofisnaha budynka. Miascovyja žychary i salidarnyja ź imi «maładafrontaŭcy» sprabujuć spynić budoŭlu.
* * *
Čytajcie: Piać pytańniaŭ i adkazaŭ pra kanflikt vakoł zabudovy ŭ Zialonym Łuzie kala Kurapat
* * *
Hałoŭnaje pytańnie — ci źjaŭlajecca ŭčastak achoŭnaj zony historyka-kulturnaj kaštoŭnaściu? Jak vyjaviłasia, ciapier nie źjaŭlajecca.
Novyja miežy achoŭnaj zony byli zaćvierdžanyja pastanovaj Ministerstva kultury №70 ad 1 śniežnia 2014 hoda.
Hladzicie kartu:
A voś u papiaredniaj viersii pastanovy ab achovie Kurapataŭ za 2004 hod achoŭnaja zona była šyrejšaja. Łapik ziamli, na jakim pačynajecca budoŭlu, tady achoŭvaŭsia zakanadaŭstvam.
Hladzicie staruju kartu:
Praŭda, zastajecca pytańnie, jak kampanija «KIPrekanstrukcyja» mahła ŭ 2013 hodzie ŭziać u arendu ziamlu ŭ achoŭnaj zonie Kurapataŭ.