Pa darozie na BiełAES novy korpus reaktara začapiŭ aporu kantaktnaj sietki
27.12.2016 / 13:39
Pieršy korpus reaktara padčas transparciroŭki pa Biełarusi. Fota «BiełaPAN».
Pra heta havorycca ŭ aficyjnym paviedamleńni na sajcie BiełAES:
«26 śniežnia 2016 hoda padčas vykanańnia manieŭrovych apieracyj na stancyi Słaŭnaje Biełaruskaj čyhunki ŭ niehabarytnym miescy adbyŭsia niaznačny dotyk achoŭnaha mietaličnaha transpartnaha kažucha zvyšhabarytnaha hruzu (korpusa reaktara dla Biełaruskaj AES) ab aporu kantaktnaj sietki. Paškodžańniaŭ na korpusie reaktara nie vyjaŭlena. Parušeńnia hrafika ruchu ciahnikoŭ nie było. Hruz nakiroŭvajecca dalej pa ŭstanoŭlenym raskładzie».
Papiaredni incydent z užo dastaŭlenym na budaŭničuju placoŭku korpusam reaktara adbyŭsia ŭ lipieni — šmattonnaja mietaličnaja kanstrukcyja «saśliznuła na hrunt» z vyšyni niekalkich mietraŭ. Pra incydent aficyjna nie paviedamlałasia niekalki tydniaŭ, adnak u vyniku «Rasatam» pryznaŭ, što zdareńnie nasamreč adbyłosia, a biełaruski bok vykazaŭ žadańnie zamianić korpus reaktara na novy.