Sud nad Alesiem Jurkojciem budzie adkryty
14.11.2016 / 16:54
Biełaruskamoŭnaha mytnika, krajaznaŭcu i zavadatara kulturnaha žyćcia na Astravieččynie Alesia Jurkojcia pačnuć sudzić 18 listapada.
Bolš za paŭtara hoda tamu Aleś Jurkojć byŭ zatrymany ŭ składzie ŭsioj źmieny ašmianskich mytnikaŭ. Z taho času jon znachodzicca ŭ SIZA na vulicy Vaładarskaha ŭ Miensku. Na hety momant śledčyja dziejańni skončanyja, źmienu padzialili pa roznych mienskich sudach.
Praces Jurkojcia pačniecca ŭ piatnicu, a 10-j ranicy, u Partyzanskim rajonnym sudzie Miensku. Sud budzie adkryty.