U Pinsku źnikli piaciora koniej konnaha kłuba i aślania
19.10.2016 / 09:40
Źnikłych koniej i aślania ŭžo dva tydni šukajuć vałanciory konnaha kłuba «BiełAsannaŚviet». Žyvioły źnikli jašče 5 kastryčnika, z taho času ich nie mohuć znajści.
Vałancior kłuba Nadzieja raspaviała «Miedyja-Paleśsiu», što, chutčej za ŭsio, žyvioły źbiehli, ale, mahčyma, ich i skrali: jany svabodna paśvilisia na łuzie ŭ vioscy Haleva, jakaja miažuje ź Pinskam.
Za końmi dahladali dzieci, jakija naviedvajuć konny kłub.
— Heta nie darosłyja koni, a jašče žarabiaty, — kaža Nadzieja. — A aślania kupili niadaŭna, jano było zusim dzikaje i tolki pačało pryvykać da ludziej. Dzieci klikali jaho San Sanyč.
Kali chto-niebudź bačyŭ koniej u horadzie ci vakolicach abo staŭ śviedkam, jak advodziać koniej, paviedamcie pra heta pa telefonie +375 29 977 68 98 (Nadzieja).