29 кастрычніка — беларускамоўная вандроўка «Старажытны Полацк»
Маршрут: Мінск — Полацк — Мінск.
25.10.2016 / 09:31
Полацк — патрыярх зямлі беларускай — сустракае дзівоснай панарамай Дзвіны.
Вас чакае наведванне Спаса-Еўфрасіннеўскага манастыра, заснаванага ў XII ст. У Спаса-Праабражэнскай царкве захаваліся фрэскі XII ст., захоўваюцца мошчы першай беларускай святой Еўфрасінні Полацкай і копія крыжа Еўфрасінні Полацкай.
Вы пройдзеце па старажытных вуліцах, якія памятаюць гукі крокаў легендарнага полацкага князя Усяслава Чарадзея, дойліда Іаана, майстра-ювеліра Лазара Богшы, першадрукара Францыска Скарыны і многіх іншых выдатных людзей нашай гісторыі…
Менавіта тут вы атрымаеце магчымасць сфатаграфавацца ў самым цэнтры Еўропы і не толькі адчуць смак роднай мовы, але і дакрануцца да самай смачнай яе літары — «Ў».
Падчас экскурсіі вы пазнаёміцеся з Сафійскім саборам XVIII ст., пабудаваным на захаваных фрагментах сабора XI ст. Побач з саборам знаходзіцца ўнікальны помнік пісьменства XII ст. — Барысаў камень.
Экскурсія працягнецца ў адноўленым будынку старадаўняга езуіцкага калегіума, заснаванага ў Полацку ў 1580 г. (ад 2005 г. у яго карпусах размяшчаецца Полацкі дзяржаўны ўніверсітэт), дзе вы зможаце ўбачыць рэканструкцыю «Механічнай галавы» — знакамітага тварэння вучонага Габрыэля Грубера, які працаваў у гэтых гістарычных сценах у канцы XVIII ст. і ўнёс вялікі ўклад у развіццё навукі, адукацыі і культуры.
Цана вандроўкі: 45 рублёў на чалавека.
Пастаянным кліентам, пенсіянерам і дзецям да 12 год — зніжка 5 рублёў!
Падрабязнасці і запіс па тэлефонах: (17) 222-33-21, (29) 765-25-45, (29) 650-61-02 (Лідзія).
ТАА «БелЮніІнтэрКам». УНП 19052271