Pamior amierykanski akcior Džyn Uajłder
29.08.2016 / 23:29
U ZŠA va ŭzroście 83 hadoŭ pamior akcior Džerem Siłbierman, viadomy pad psieŭdanimam Džyn Uajłder. Pra heta ŭ paniadziełak, 29 žniŭnia, paviedamlaje Associated Press.
Infarmacyju pra śmierć artysta paćvierdziŭ jaho plamieńnik. Pryčyna śmierci — uskładnieńni, vyklikanyja chvarobaj Alchiejmiera.
Kadr z «Vili Vonki» staŭ miemam z podpisam «Nu, davaj, raskažy mnie pra…»
Uajłder syhraŭ hałoŭnuju rolu ŭ filmie «Vili Vonka i šakaładnaja fabryka» Meła Ściuarta (1971), nie błytać z ekranizacyjaj Cima Biortana 2005 hoda z Džoni Depam u hałoŭnaj roli.
Karcina była naminavana na premiju «Oskar» za najlepšuju muzyku, a sam akcior - na «Załaty hłobus» za najlepšuju mužčynskuju rolu.
Reuters.com
Akramia hetaha, artyst atrymaŭ dźvie naminacyi na «Oskar» - za rolu druhoha płana ŭ kamiedyi «Pradziusary» (1968) i za najlepšy adaptavany scenar u stužcy «Małady Frankienštejn» (1974).