Апублікуйце сэлфі бабулі і выйграйце топавыя смартфоны Samsung — гэта проста

Хочаце стаць уладальнікам новенькіх смартфонаў Samsung Galaxy A8 і Samsung Galaxy A8+? Тады ў нас для вас добрыя навіны.

09.03.2018 / 13:23

Samsung Galaxy A8|A8+ і «Наша Ніва» ладзяць конкурс «Навучы бабулю рабіць сэлфі!».

Глядзець усіх удзельнікаў конкурсу

Мы лічым несправядлівым, што ў свеце, дзе кожны дзень з’яўляюцца дзясяткі тысяч новых «сябешак», нехта да гэтага часу не зрабіў аніводнага сэлфі, бо проста не ўмее. І гэтыя людзі ў большасці сваёй — нашы бацькі і бабулі з дзядулямі. Якія рабілі з намі першыя крокі, якія выгадавалі нас і перадалі асноўныя веды пра жыццё.

Прыйшоў час памяняцца ролямі: цяпер вы (!) мусіце вучыць старэйшае пакаленне і ўключаць іх у эру digital-тэхналогій.

Мы прапаноўваем ператварыць увесь працэс навучання ў цікавую гульню, дзе пераможца атрымае два падарункі: смартфоны Samsung Galaxy A8 і Samsung Galaxy A8+.

Як узяць удзел у конкурсе — восем простых крокаў

1. Узброіцца смартфонам, які мае франтальную камеру.

2. Завітаць у госці да бабулі ці дзядулі (калі вы жывяце разам, то ўжо маеце перавагу перад канкурэнтамі).

3. Прадэманстраваць сваякам, як працуе франтальная камера і якім чынам з яе дапамогай робіцца сэлфі. (Важна! Удзельнік конкурсу мусіць упершыню знаёміцца з працэсам стварэння сэлфі, у яго не павінна быць ранейшага досведу карыстання франтальнай камерай).

4. Абраць цікавы фон з добрым асвятленнем.

5. Аддаць бабулі ці дзядулю тэлефон і даць ім магчымасць самім (пад вашым прафесійным кіраўніцтвам) зрабіць першае ў жыцці сэлфі. На фота яны могуць быць як адны, так і разам з унукамі (чым больш крэатыўным будзе сюжэт, чым больш эмоцый будзе на здымку, тым лепш — менавіта на арыгінальнасць будзе звяртаць увагу журы).

6. Далей — скласці невялічкі расповед пра галоўнага героя конкурсу, дзе абавязкова ўказаць: імя і прозвішча, колькі гадоў, дзе жыве, кім працаваў (ці працуе), якія хобі мае, колькі дзяцей і ўнукаў. Усё іншае — на ваш густ.

7. Разам з сэлфі апублікаваць расповед пра бабулю (дзядулю) на сваёй старонцы ва Укантакце, фэйсбуку ці інстаграме, адзначыўшы яго хэштэгамі #nn_A8belarus #SamsungBelarus. Менавіта па гэтых хэштэгах мы будзем збіраць вашы працы (Важна! Вашы профілі ў сацсетках мусяць быць адкрытымі).

8. І апошняе — падпісацца на старонку Samsung Belarus у той сацыяльнай сетцы, у якой будзе апублікавана сэлфі (Укантакце, фэйсбук, інстаграм).

Увесь час мы будзем збіраць з сацсетак вашы сэлфі і загружаць іх на старонку конкурсу на NN.by. А раз на месяц журы, у склад якога ўваходзяць прафесійныя фатографы, будзе вызначаць бабулю ці дзядулю месяца, да якіх мы пасля з’ездзім у госці [і напішам жыццёвы рэпартаж]. Сярод тройкі найлепшых удзельнікаў у сярэдзіне мая мы і разыграем смартфоны Samsung Galaxy A8 і A8+ (адзін — для майстра сэлфі, а другі — для яго стараннага вучня). Увага! Конкурсныя працы прымаюцца да 4 мая ўключна!

Зазначым, што калі здымкі не будуць адпавядаць правілам конкурсу або этычным нормам, то мы можам іх не ўключыць у конкурсныя без тлумачэння прычын. Але шчыра спадзяёмся, што трапяць усе ахвотныя.

Поспехаў!