Stoj! Kudy? Stajać! Piłoty flydubai paspračalisia za niekalki siekundaŭ da katastrofy

28.03.2016 / 07:54

kommersant.ru

Rasšyfroŭka samapiscaŭ Boeing, jaki raźbiŭsia ŭ aeraporcie Rastova-na-Donie, pakazała, što ŭ piłota i jaho pamočnika byli roznyja pohlady na toje, što rabić z samalotam. Da ŭzajemarazumieńnia jany pryjšli, kali było ŭžo pozna.

Jak paviedamlaje hazieta Kommiersant sa spasyłkaj na blizkuju da rasśledavańnia krynicu, rasšyfroŭka paramietryčnaha i maŭlenčaha samapiscaŭ pryviała da taho, što asnoŭnaj viersijaj krušeńnia samalota flydubai u rastoŭskim aeraporcie ciapier ličycca pamyłka ekipaža. Tłumačycca heta tym, što piłot i jaho pamočnik ździajśniali roznyja dziejańni ŭ apošnija siekundy palotu, usčaŭšy sprečku pamiž saboj.

Samapisiec pakazaŭ, što piłot łajniera sapraŭdy za 6 kiłamietraŭ da ŭźlotna-pasadačnaj pałasy vyrašyŭ nie sadzicca, a syści na druhoje koła. Jon adklučyŭ aŭtapiłot i ŭziaŭ kiravańnie na siabie. Adnak pa nieviadomaj pryčynie jon nie ŭličyŭ toj fakt, što pry pierachodzie z režymu pasadki ŭ režym naboru vyšyni Boeing 737-800 pry ručnym kiravańni nie płyŭna sychodzić navierch (jak było b pry pracy aŭtapiłota), a nabiraje vyšyniu ŭ režymie źniščalnika.

Kali samalot vyjšaŭ za krytyčny vuhał, jaho chutkaść pačała padać. U hety momant i adbyŭsia kanflikt. Kamandzir łajniera praciahvaŭ ciahnuć šturvał na siabie, a druhi piłot pačaŭ adšturchoŭvać svoj šturvał z krykam «Stoj. Kudy? Stajać».

U vyniku bartavy kampjutar pačaŭ atrymlivać roznyja impulsy ad dvuch šturvałaŭ, i kiravańnie samalotam było razarvana.