Śpiłbierh zdymie piaty film pra Indyjanu Džonsa z Charysanam Fordam
15.03.2016 / 22:16
Papularny hieroj filmaŭ Indyjana Džons vierniecca na vialikija ekrany 19 lipienia 2019 hoda, paviedamlajecca na sajcie kampanii Walt Disney.
Kadr ź filma «Indyjana Džons i Karaleŭstva kryštalnaha čerapa»
Režysioram piataj pa liku pryhodnickaj stužki znoŭ vystupić Styvien Śpiłbierh, a rolu znakamitaha archieołaha i šukalnika pryhod znoŭ vykanaje Charysan Ford. Pradziusarami filma stanuć Ketlin Kenedzi i Frenk Maršał.
«Indyjana Džons — adzin z najlepšych hierojaŭ u historyi kiniematohrafa, i my ź nieciarpieńniem čakajem jaho viartańnia na ekran u 2019 hodzie», — zajaviŭ kiraŭnik The Walt Disney Studios Ałan Chorn.
«Redka ŭdajecca atrymać takoje idealnaje spałučeńnie režysiora, pradziusaraŭ, akciora i roli. My vielmi ščaślivyja pačać hetuju pryhodu z Charysanam i Styvienam», — dadaŭ jon.
Pieršaja častka sahi pra Indyjanu Džonsa — «U pošukach stračanaha kaŭčeha» — vyjšła na ekrany ŭ 1981 hodzie. Jana ŭvajšła ŭ sotniu najlepšych amierykanskich filmaŭ pa viersii Amierykanskaha instytuta kinamastactva.
Zatym ŭ 1984 źjaviŭsia «Indyjana Džons i chram losu», u 1989 — «Indyjana Džons i apošni kryžovy pachod», a ŭ 2008 hodzie byŭ źniaty čaćviorty film «Indyjana Džons i Karaleŭstva kryštalnaha čerapa».
Pakul nieviadoma, jak budzie nazyvacca piataja častka.