Deputaty VR Ukrainy ŭnieśli prajekt ab uviadzieńni viz z Rasijaj
05.02.2016 / 18:22
Hrupa deputataŭ Viarchoŭnaj Rady ŭniesła na razhlad ukrainskaha parłamienta prajekt pastanovy ab skasavańni biaźvizavaha režymu z Rasijaj. Prajekt zhadvajecca ŭ elektronnaj bazie Rady, ale sam jaho tekst tam nie pryvodzicca.
Adzin ź inicyjataraŭ ŭniasieńnia dakumient — deputat Andrej Parubij — napisaŭ u fejsbuku, što vystupaŭ z padobnaj inicyjatyvaj jašče budučy sakratarom RNBA.
Svaje dziejańni jon arhumientuje staŭleńniem hramadzian Rasii da anieksii Kryma i da Ukrainy ŭ cełym. «93% padtrymlivaje anieksiju Kryma Rasijaj, ź ich 80% — navat kali pryjdziecca pačać vajnu. 59% rasiejcaŭ niehatyŭna staviacca da Ukrainy, a 37% ličać ukraincaŭ vorahami», — śćviardžaje deputat.
Pavodle jaho słoŭ, nieabchodna kantralavać kožnaha rasiejca, jaki choča trapić na terytoryju Ukrainy: «My nie majem prava navat dapuścić mahčymaść, kab praź biaźvizavy režym na našu terytoryju traplali varožaja ahientura i dyviersijnyja hrupy».
U śniežni 2015 hoda sakratar Rady nacyjanalnaj biaśpieki i abarony Ukrainy Alaksandr Turčynaŭ vykazaŭ nadzieju na toje, što daručeńnie ŭradu ŭvieści «žorstki» vizavy režym z Rasijaj budzie vykananaje ŭ pačatku 2016 hoda.
Pa słovach Turčynava, ukrainskamu ministerstvu zamiežnych spraŭ było daručana ŭvieści vizavy režym z Rasijaj jašče ŭ 2014 hodzie, a «pieršy etap hetaj zadačy» — admiena ŭjezdu na ŭkrainskuju terytoryju pa ŭnutranym rasijskim pašparcie — užo byŭ vykanany viasnoj hetaha hoda. U lutym 2015 hoda ŭrad Ukrainy pryniaŭ rašeńnie z 1 sakavika 2015 hoda zabaranić hramadzianam Rasii ŭjezd u krainu pa ŭnutranych pašpartach.