Usie ministry zamiežnych spraŭ niezaležnaj Biełarusi sabralisia razam FOTA
17.12.2015 / 22:19
Urał Łatypaŭ, Siarhiej Martynaŭ, Piatro Kraŭčanka, Uładzimir Makiej, Ivan Antanovič, Michaił Chvastoŭ, Uładzimir Siańko, fota Siarhieja Bałaja, Tut.by.
U MZS Biełarusi siońnia, 17 śniežnia, adbyłasia niezvyčajnaja impreza - sustreča ŭsich ministraŭ zamiežnych spraŭ našaj krainy z časoŭ abviaščeńnia niezaležnaści. Eks-ministry raspaviali maładym dypłamatam pra śpiecyfiku svajoj pracy i času, kali jany ŭznačalvali źniešniepalityčnaje viedamstva Biełarusi. Sustreča prajšła z nahody 95-hodździa z dnia stvareńnia Źjezdam Savietaŭ Sacyjalistyčnaj Savieckaj Respubliki Biełarusi Narodnaha kamisaryjata pa zamiežnych spravach, piša Tut.by.
Va ŭstupnym słovie dziejučy kiraŭnik MZS Uładzimir Makiej zajaviŭ, što za hady niezaležnaści Biełaruś zmahła damahčysia taho, što asacyjujecca ź jaje układam va ŭmacavańnie stabilnaści i biaśpieki ŭ rehijonie i śviecie. U. Makiej pa čarzie pradstaviŭ usich ministraŭ: Piatra Kraŭčanku (1990—1994), Uładzimira Siańko (1994—1997) Ivana Antanoviča (1997—1998), Urała Łatypava (1998—1999), Michaiła Chvastova (2000—2003), Siarhieja Martynava (2003—2012).