Jančeŭski: Zapusk 4G — heta tolki pačatak
Sietka 4G pabudavana sumiesnym pradpryjemstvam «Biełaruskija vobłačnyja technałohii» (beCloud).
17.12.2015 / 12:46
Usievaład Jančeŭski.
Pieršy infrastrukturny apieratar beCloud 17 śniežnia zapuściŭ u kamiercyjnuju ekspłuatacyju sietku LTE Advanced u horadzie Minsku. Zaraz žychary i hości stalicy zmohuć karystacca pasłuhami 4G — mabilnaj suviaźziu čaćviortaha pakaleńnia, jakaja prychodzić na źmienu 3G, paviedamlaje BiełTA.
Sietka 4G pabudavana sumiesnym pradpryjemstvam «Biełaruskija vobłačnyja technałohii» (beCloud) u adpaviednaści z ukazam prezidenta Biełarusi ad 13 śniežnia 2012 №556. Zapusk sietki čaćviortaha pakaleńnia ŭ ekspłuatacyju — heta vynik paśpiachovaj realizacyi inviestycyjnaha prajekta i efiektyŭnaha supracoŭnictva dziaržavy i pryvatnaha biznesu. Zapusk sietki LTE — pieršy etap maštabnaha prajekta pa abnaŭleńni ŭsioj telekamunikacyjnaj infrastruktury.
«Sietka 4G — heta tolki pačatak. Dla našaj krainy vielmi važna i ŭ telekamunikacyjach, i ŭ IT-śfiery chutka ruchacca dalej. Tamu što chutkaść źmianieńniaŭ technałohij u sučasnym śviecie prosta fantastyčnaja», — adznačyŭ pamočnik prezidenta Usievaład Jančeŭski.
Na momant pačatku pracy staličnaj sietki LTE Advanced pakryćcio budzie zabiaśpiečvać 150 bazavych stancyj, što całkam dastatkova dla ŭpeŭnienaha pakryćcia na terytoryi Minska. Taksama ŭ 2016 hodzie technałohija pryjdzie ŭ abłasnyja harady: Brest, Viciebsk, Homiel, Hrodna, Mahiloŭ, da 2020 hoda — u rajonnyja centry i inšyja nasielenyja punkty z kolkaściu nasielnictva nie mienš za 50 tys. čałaviek.
Sietka LTE Advanced, stvoranaja kampanijaj beCloud, pierachodzić u karystańnie ŭsim apierataram mabilnaj suviazi.
«Siońnia my adkryvajem pieršuju častku sietki sotavaj ruchomaj elektrasuviazi čaćviortaha pakaleńnia pa technałohii LTE, što źjaŭlajecca čarhovym etapam u raźvićci telekamunikacyjnaj haliny ŭ Respublicy Biełaruś. Heta doŭhačakanaja padzieja dla telekamunikacyjnaj supolnaści krainy. Vykarystańnie technałohii LTE dazvolić atrymlivać nie tolki tradycyjnyja pasłuhi, takija jak videakantent, prahlad televizijnych prahram u režymie realnaha času ź vialikaj chutkaściu i vysokaj jakaściu, ale i raźvivać pryncypova novyja servisy», — adznačyŭ ministr suviazi i infarmatyzacyi Siarhiej Papkoŭ.