У антыкварнай краме Пецярбурга прадаецца пейзаж Бялыніцкага-Бірулі
07.08.2015 / 20:48
Пейзаж «Хатка ля возера» выстаўлены на продаж за 840 тысяч расійскіх рублёў, паведамляе санкт-пецярбургскі беларус Мікола Нікалаеў. Гэта каля 14 тысяч даляраў у пераліку.
Ён прадаецца ў звычайнай антыкварнай краме на Неўскім праспекце.
Бялыніцкі-Біруля — класік беларускага мастацтва. Ягоныя работы захоўваюцца ў музеях, у тым ліку і Нацыянальным мастацкім у Мінску.