Top-100 samych upłyvovych biełarusaŭ. 47. Pavieł Tapuzidzis

05.04.2015 / 18:47

47 (93). Pavieł Tapuzidzis

Ułaśnik «Tytuń-Inviest» i «Karony».

«Tytuń -Inviest» — adzinaja pryvatnaja kampanija na cyharetnym rynku. Biznes asablivy, rašeńnie ab tym, kab dać dazvoł Tapuzidzisu, prymałasia na najvyšejšym uzroŭni. Kazali, što pryčynaj łajalnaha staŭleńnia było znajomstva biznesmiena z pamočnikam prezidenta Siarhiejem Tkačovym. Pra mnohaje kaža toj fakt, što padčas vybaraŭ-2010 miljanier byŭ staršynioj kamisii na adnym ź minskich vybarčych učastkaŭ.

Tapuzidzis maje čatyry hipiermarkiety ŭ Minsku i jašče 6 — u inšych bujnych haradach. Letaś biznesmien mieŭ asabistuju sustreču z Łukašenkam, toj uchvaliŭ budaŭnictva sietki sa 130 «Karonaŭ».

Cytata

«Kab vy viedali, jak ja lublu budavać hipiermarkiety, jakoje zadavalnieńnie ja atrymlivaju ad samoha pracesu budaŭnictva!»

2012

Abjektyŭka

Nar. u 1956 u Hruzii. Maje hrečaskija karani. Pačaŭ biznes na vytvorčaści cacačnych samalocikaŭ. U Biełarusi arhanizavaŭ kaapieratyŭ pa vypusku pachavalnych viankoŭ, paśla zaniaŭsia vytvorčaściu cyharet. Ułaśnik kampanii «Tytuń-Inviest», sietak hipiermarkietaŭ «Karona» i «Karona-Techna», hatela «Robinsan Kłab» ź viertalotnym kłubam. Žanaty, maje syna.

* * *

Čytajcie taksama: