Top-100 samych upłyvovych biełarusaŭ. 43. Ryhor Kisiel

05.04.2015 / 18:46

43 (36). Ryhor Kisiel

Hienieralny dyrektar ANT.

Kali padčas pres-kanfierencyi Alaksandr Łukašenka raptam uzhadaŭ: «A Kisiel taki biełaruskamoŭny ŭ nas, jon piša mnie na biełaruskaj movie», — bolš za ŭsio ździviŭsia sam Ryhor Kisiel. Usio ž mahiloŭski žurnalist nikoli nie vyłučaŭsia pietetam da biełaruskaj movy.

Jahonaje ANT spres ruskamoŭnaje, za vyniatkam śviatočnych kancertaŭ. Bolšaść prahram telekanała ŭziatyja z Rasii. Retranślacyja rasijskich sieryjałaŭ i zabaŭlalnych prahram dazvalaje Kisialu zachoŭvać za ANT status samaha papularnaha kanała Biełarusi.

Cytata

«Zajmajusia bieham dla siabie, a nie napakaz. Žyvu ŭ Drazdach, biehaju ŭ parku tam ža. U siarednim 10 km. Mahu 15 i 20 — jak nastroj i čas dazvalajuć».

Abjektyŭka

Nar. u 1955 u vioscy Zdudzičy Śvietłahorskaha rajona. Skončyŭ žurfak BDU (1979). Pracavaŭ u haziecie «Mahiloŭskaja praŭda» (1979—1987), u Mahiloŭskim abkamie KPB (1987—1990), redaktaram haziety «Mahiloŭskija viedamaści» (1990–1994). Staršynia Biełteleradyjokampanii (1994—2000), pasoł u Rumynii (2000—2002), staršynia praŭleńnia ANT (z 2002). Udaviec, maje dvuch dziaciej.

* * *