Pšanica i paparać u hałovach: novy trend suśvietnaj letniaj kalekcyi
Na viasnova-letnich pakazach ot kuciur viecier raźviavaŭ madelam kvietki ŭ vałasach, a taksama liście paparaci i kałasy pšanicy.
17.02.2015 / 11:29
Trendam hetaha leta stanie raślinnaść u vałasach. Jana zakvitnieła na vałasach madelej na viasnova-letnich pakazach ot kuciur, a hetym letam čakajecca ŭ bolš ścipłaj formie i na vulicach vialikich haradoŭ.
Jean Paul Gaultier HC SS 2015
Cyrulniki, jakija adkazvali za šou Žana Pola Haćje, znajšli natchnieńnie ŭ paparaci. Paparać-kvietku ŭ ich nie atrymałasia adšukać, ale efiekt ad liściaŭ paparaci ŭ vałasach usio roŭna cikavy.
Victor & Rolf HC SS 2015
Pšanica ŭ hałavie — jašče adzin trend. Darečy, hetaja zbožžavaja kultura viadučaja ŭ Biełarusi. Tamu, kali vam zachočacca paekśpierymientavać ź joj i svaimi vałasami, to heta budzie vielmi prosta.
Frank Sorbier HC SS 2015
Na šou francuzskaha kuciurje halinki ŭ vałasach vyhladali vielmi lohka i navat harmanična.
Padajecca, što hałoŭnaje ŭ hetaj letniaj tendencyi — nie pierabolšyć.