Zaŭtra DAI Minska budzie i štrafavać kiroŭcaŭ, i daryć im padarunki
15.01.2015 / 20:10
U Minsku 16 studzienia DAI zaachvocić kiroŭcaŭ, jakija padrychtavalisia da źmienaŭ u PDR, paviedamiła staršaja inśpiektarka pa ahitacyi i prapahandzie ADAI Frunzienskaha RUUS Alena Vołčak.
«U Minsku projdzie akcyja-rejd «U novy hod pa abnoŭlenych praviłach». Akcyja pačniecca ŭ 08.30. Hałoŭnaja meta mierapryjemstva — prafiłaktyka darožna-transpartnych zdareńniaŭ i vyjaŭleńnie parušeńniaŭ, źviazanych z ukazam №483, jaki ŭnosić źmieny i dapaŭnieńni ŭ PDR i ŭstupiŭ u siłu», — raspaviała Alena Vołčak.
Staršy inśpiektar patłumačyła, što tyja kiroŭcy, jakija ŭstalavali zimovuju humu na aŭtamabili, atrymajuć padarunki. Tym, jakija praihnaravali dadzienaje patrabavańnie ŭkaza, pahražaje štraf da 1 bazavaj vieličyni. Adznačanyja buduć i kiroŭcy, jakija pieravoziać dziaciej u śpiecyjalnych pryładach. Jany taksama atrymajuć padarunki. Da aŭtaamataraŭ, jakija parušajuć zakanadaŭstva ŭ hetaj častcy, budzie ŭžyta administracyjnaje spahnańnie ŭ vyhladzie štrafu da 4 bazavych vieličyń. Taksama parušalnikam inśpiektary DAI padorać kupon na 5% źnižku na pakupku aŭtakresła.