Дрэздэн: 18 тыс. чалавек пратэставалі супраць ісламізацыі
06.01.2015 / 07:43
Reuters.com
Арганізацыі, якія выступаюць супраць працэсаў, характарызавальных імі як ісламізацыя Еўропы, а таксама іх апаненты, правялі ўвечары ў панядзелак шматлікія акцыі па ўсёй Германіі ў падтрымку сваіх поглядаў.
Рэкордная колькасць праціўнікаў ісламізацыі сабрала традыцыйная акцыя ў Дрэздэне — 18 тысяч чалавек. Акцыя іх праціўнікаў у Дрэздэне сабрала каля трох тысяч чалавек.
Тысячы людзей прынялі ўдзел у маршах ў Берліне, Кёльне, Дрэздэне і Штутгарце.
У нямецкай сталіцы каля пяці тысяч чалавек блакавалі некалькі сотняў прыхільнікаў кансерватыўнага руху «Патрыятычныя еўрапейцы супраць ісламізацыі Захаду» (PEGIDA), якая і пачала штотыдзень арганізоўваць акцыі пратэсту супраць ісламізацыі ў Дрэздэне.
Падчас штотыднёвых дэманстрацый лозунгі на транспарантах прыхільнікаў PEGIDA ўключаюць у сябе такія, як «За захаванне нашай культуры», «Супраць рэлігійнага фанатызму» і «Супраць рэлігійных войнаў на нямецкай зямлі».
Па дадзеных нямецкіх СМІ каля 22 тысяч чалавек у Штутгарце, Мюнстары і Гамбургу пратэставалі супраць PEGIDA.