U Minsku žarty maładych ludziej z mulažom aŭtamata zakončylisia zatrymańniem
20.10.2014 / 21:25
Maładyja ludzi byli zatrymanyja ŭ Minsku za niaŭdały žart.
Jak paviedamlaje HUUS Minharvykankama, 18 kastryčnika kampanija maładych ludziej jechała ŭ aŭtamašynie «VAZ» pa praśpiekcie Niezaležnaści, adzin ź ich demanstravaŭ pradmiet, padobny da aŭtamata Kałašnikava. Pobač na słužbovym transparcie prajazdžali supracoŭniki AMAP HUUS.
Jak rastłumačyŭ namieśnik kamandzira AMAP HUUS Alaksandr Sinievič, uvahu supracoŭnikaŭ atrada pryciahnuŭ aŭtamabil «VAZ-2109» čyrvonaha koleru, u jakim jany zaŭvažyli pasažyra z pradmietam, jaki nahadvaŭ aŭtamat. Supracoŭniki milicejskaha śpiecpadraździaleńnia błakiravali aŭtamabil i prapanavali kiroŭcu i pasažyram zahłušyć ruchavik i pakinuć transpartny srodak. Usie, chto znachodzilisia ŭ sałonie, admovilisia heta zrabić, pry hetym kiroŭca pasprabavaŭ akazać supraciŭleńnie. Tady bajcy AMAP zatrymali kampaniju.
Padčas praviadzieńnia nadhladnych mierapryjemstvaŭ u sałonie aŭtamabila byli znojdzieny makiety pistaleta i aŭtamatata Kałašnikava. Dla dalejšaha razboru zatrymanyja byli dastaŭleny ŭ Centralnaje RUUS. Tam chłopcy rastłumačyli heta zdareńnie žartam. Nakont hetaha pravodzicca pravierka.