Niderłandy pra tajamničuju submarynu la bierahoŭ Šviecyi: Dakładna nie naša
20.10.2014 / 14:05
Ministerstva abarony Niderłandaŭ adprečyła zdahadki rasijskaha boku ab tym, što zamiežnaja padvodnaja łodka, jakaja nibyta padavała sihnał biedstva z rajona Stakholmskaha archipiełaha, naležyć hałandskim VMS.
U niderłandskim vajennym viedamstvie kažuć, što im viadoma ab rasijskich śćviardžeńniach z adkrytych krynic.
«Heta zusim dakładna nie hałandskaja padvodnaja łodka», - zajaviła Bi-bi-si pres-sakratar ministerstva abarony Niderłandaŭ.
U paniadziełak RIA «Novosti» raspaŭsiudziła zajavu nienazvanaj krynicy ŭ minabarony Rasii, pa słovach jakoha padvodnaja łodka, jakuju Šviecyja šukaje ŭ svaich terytaryjalnych vodach, moža naležać VMS Niderłandaŭ.