У Мінску затрымалі п'янага школьніка за рулём
08.10.2014 / 16:22
П'янага школьніка за рулём затрымалі супрацоўнікі Дзяржаўтаінспекцыі сёння ноччу ў Мінску. Пра гэта паведаміла старшы інспектар па агітацыі і прапагандзе АДАІ Партызанскага РУУС Мінска Таццяна Спадабаева.
«Інцыдэнт адбыўся на вуліцы Варвашэні. Сямнаццацігадовы малады чалавек рухаўся на аўтамабілі ВАЗ-2105 па дваровай тэрыторыі і быў спынены супрацоўнікамі аддзела ДАІ Партызанскага РУУС для праверкі дакументаў. Але як акалазася, пасведчання кіроўцы ён яшчэ не атрымліваў. Да таго ж ад яго зыходзіў рэзкі пах алкаголю. Пасля правядзення агляду ў крыві парушальніка было выяўлена больш за адну праміле алкаголю. Пазней малады чалавек растлумачыў, што напярэдадні выпіў каля 200 г піва «, — распавяла Таццяна Спадабаева.
На дадзены момант на парушальніка складзеныя два адміністрацыйныя пратаколы: за кіраванне транспартным сродкам без пасведчання кіроўцы і за кіраванне ў нецвярозым стане. Усе матэрыялы справы перададзеныя ў раённую інспекцыю па справах непаўналетніх для далейшай пастаноўкі на прафілактычны ўлік. Акрамя таго, супрацоўнікамі міліцыі будуць выяўляцца асобы, якія ўцягнулі непаўналетняга ў распіццё алкагольных напояў або прадалі яму спіртное. Калі такія знойдуцца, яны таксама будуць прыцягнутыя да адміністрацыйнай адказнасці.