Першы скандал «Оскара»: сябар журы рэкламаваў сваю песню

30.01.2014 / 11:43

З барацьбы за прэмію «Оскар» Амерыканскай акадэміі кінамастацтваў у катэгорыі «Найлепшая песня да фільма» выключаная песня «Alone yet not alone».

Стала вядома, што яе аўтар кампазітар Брус Бротан парушыў правілы сумленнай канкурэнцыі. Бротан — былы кіраўнік выканаўчага камітэта «Оскара» і дзеючы яго сябра.

Незадоўга да галасавання за намінантаў на кінаўзнагароду ён рассылаў калегам па камітэту лісты з напамінам пра тое, што таксама прэтэндуе на намінацыю.

Цяпер за гэта выкарыстанне службовага становішча яго песня «Alone yet not alone» з аднайменнага фільма не будзе ўдзельнічаць у оскаровской «гонцы».

Лаўрэатаў «Оскара- 2014» назавуць на ўрачыстай цырымоніі, якая пройдзе ў Dolby Theatre Лос-Анджэлеса 2 сакавіка.